حسب الطلب :)

، كتير مبسوطة إنكم حبيتوا الفيديو تاعي و شكرا كتير على كل الكلمات الحلوة اللي قلتوها عنجد انتوا كلكم حلوين. كمان مبسوطة إنه عجبكم الريسوتو اللي عملته بهادا الفيديو.

و صلتني كل رسائلكم اللي طلبتوا فيها الوصفة وأكيد رح أعطيكم اياها، هاي هي كل الفكرة أساسا و أنا أصلا بفرحني إنكم متحمسين تطبخوا وصفتي. هاي الوصفة مع شوية نصائح لاتقانها 🙂 اعملوها، رح تعجبكم

هاي وصفة طيبة كتير و محضرة على الطريقة الإيطالية التقليدية (بالمطبخ الإيطالي التقليدي دايما السمك وثمار البحر بتنعمل على أساس بندورة مش مع منتجات الألبان). ولضمان الطعم الأفضل دايما استخدموا بندورة طازجة ويفضل اتكون أورجانك أو عضوية (جربوا تشتروا خضرتكم من سوق المزارعين مباشرة، في دبي أحسن سوق مزارعين هو سوق الجمعة اللي بصير بمنطقة باي افينيو).  قشروا البندورة و بعدين قيموا البزر واهرسوها لتصير ناعمة واستعملوها بدل رب البندورة الجاهز

زيادة الزبدة بآخر الوصفة ضروري ليعطي الريسوتو خاصيته الكريمية المعروفة، معلش الله بعينكم هاي أكيد مش وصفة لأيام الدايت! بس اتخلصوا طبيخ زينوا الريسوتو ببعض ثمار البحر إللي إلها صدف و شوية قريدس مقلّى مع قشره. بعدين رشوا عليه بقدونس مفروم و شوفوا شو طيبة

Ingredients

Serves: ٤-٦
٣ كغم محار طازج
٢ لوبستر مطبوخ و لحمه مقطع صغير (اختياري)  ـ
١ كغم قريدس، منظف ومقلى بشوية زيت زيتون مع ثوم مدقوق
٥٠٠ غم بلح البحر، منظف ومطبوخ على البخار حتى يفتح (نلقي أي حبات ضلت مسكرة) ـ
٣ أسنان ثوم، مدقوقة
بصلة متوسطة، مفرومة ناعمة
١/٤ كاسة زيت زيتون (ممكن آستخدام زيت الزيتون مع الحر إذا يفضل الطعم الحر) ـ
٣ ملاعق كبيرة خل العنب الأبيض
عصير ليمونة متوسطة
٤ ملاعق بندورة مهروسة
ملح وفلفل أسود حسب الذوق
٣ أكواب رز حبة متوسطة (نوع كارنارولي أو أرباريو)
ليترين مرقة ثمار البح، أو مرقة سمك أو مرقة دجاج
٧٥ غم زبدة مقطعة مكعبات، تحفظ باردة لحين الاستخدام

 يحمى نصف كمية زيت الزيتون في قدر ويضاف إليه الثوم المدقوق ويقلى حتى يطرى لكن دون أن يحمر. يضاف عليهم المحار ويقلب معهم على النار الحامية لدقيقة أو ٢. نضيف عليهم نصف كمية الخل و نحرك. بعد دقيقتين بكون المحار فتح ونلقي أي حبات ضلوا مسكرين. نزيل القدر عن النار ونزيل الصدف لكن نترك القليل مع الصدف لتزيين الطبق قبل التقديم. ـ

في قدر منفصل، نسخن المرقة مع البندورة المهروسة إلى أن تغلي، ثم نوطي النار ونتركهم يقلبوا على نار واطية. ـ

، في قدر واسع وعميق نسخن باقي زيت الزيتون ونقلب به البصل حتى يطرى دون أن يحمر. نضيف الرز ونحركه حتى يتغلف بالزيت. لازم نتأكد أن الرز دافيء قبل إضافة أي سوائل عليه. عندما يدفىء الرز نضيف عليه المرقة شوي شوي (مقدار كوب بالمرة) ونحرك جيدا حتى يمتص الرز كل المرقة. لازم ما يضل أي سوائل قبل إضافة المزيد. نضيف المرقة فقط عندما يتم امتصاص كل سوائل المرة إللي قبل. ونستمر بهذه العملية لمدة ربع ساعة أو لحتى ينطبخ الرز.

بالريسوتو  الرز لازم يكون طري بس مش عالآخر، لازم يضل فيه قرشة صغيرة كتير. ـ

 يضاف اللوبستر المطبوخ المقطع والمحار المطبوخ المقشر للريسوتو ويخلط ليمتزج. ثم يبعد عن النار ويضاف الملح والفلفل الأسود ويحرك ثم يضاف عليه مكعبات الزبدة الباردة وتحرك جيدا وبسرعة حتى تمتزج. ـ

يزين الصحن بباقي ثمار البحر المطبوخة واللي ضل عليها قشرها والصدف ويرش الوجه بالبقدونس المفروم. يقدم مع شرحات الليمون على طرف. ـ

You may also like…